Да се срушат дивоградбите и таму да се градат паркови зашто на месотото на Универзална сала е невозможна летна сцена, заради бучавата од автомобилите , наоколу, а салата да се реновира зашто е симбол на солидарноста. Вака реагира режисерот Александар Поповски, на најавите на Град Скопје, за градење парк со летна сцена , на местото на Универзална, а нова концертна сала да се гради на друга локација.
Оваа зграда е објект на солидарноста. Има еден многу писилен момент од сите факти, бројки, 9 точки, 15 точки. Затоа што во себе носи едно друго значење , таа треба да се реновира. Таква, каква што е треба да се реновира . Не може да се сруши, вели режисерот Александар Поповски.
Шилегов денеска рече дека нема одлука за Универзална сала. Тој најави три опции кои се разгледуваат: Уривање на Универзална и изградба на нов објект на постојната локација, рушење на дотраениот објект со дислокација и заштита на просторот со конкурсот за идејно решение за парк. А, интимно ја посакува третата опција , реставрација на постојниот објект на Универзална и изградба на нов, на локација која допрва ќе се определи. Најави и референдум, ако не се усогласат ставовите.
Ако не успееме како стручна, политичка и јавност преку медиумите, да изградиме заедничко решение, јас сум до таа мерка спремен , откако ќе ги разгледаме сите солуции, сите три би биле ставени на референдумско изјаснување на граѓаните на Скопје, вели градоначалникот Шилегов.
Реконструкцијата на Универзална , исто така подразбира уривање на објектот и градење од почеток. Но, таму е убиена опцијата за проширена нова зграда заради останатите подигнати без мерка, во околината. Градот за сега смета на 500 илјади евра од Министерството за култура, за конкурсните постапки до Нова година, а повеќе пари за проектот што ќе се избере, очекуваат од Владата, рече Шилегов.
Реакција до градоначалникот на Скопје стигна и од опозиционерите, од Советот на Град Скопје.
Локацијата на салата е во истата градска четврт , во која се наоѓа и кругот на поранешната фабрика Треска, каде со измената на ГУП-от се планира да се изградат 50 нови згради. За да може стамбениот комплекс да се реализира , ќе треба да биде застапен и содветен процент на зеленило, па можеби ете процентот ќе биде исполнет со паркот на местото на концетната сала, вели Јелена Жугичќ, советничката во Советот на Град Скопје.
Градоначаникот демантира дека предлог паркот на местото на Универзална е алиби за зградите кај Треска. Тоа решение нема да се реализира додека не се донесе ДУП-от и се изгради комплексот кај „Треска“, според постојните стандарди, дополни градоначалникот Петре Шилегов.
Сотир Трајков