Околу 300 демонстранти се собраа утрово пред парламентот во Софија, во знак на протест против владата на десничарскиот популист, премиерот Бојко Борисов, кој е обвинет за корупција. Тие бараат негова оставка, како и од главниот обвинител во земјата Иван Гешев.
Бугарското собрание денеска на вонредна седница ќе расправа за недоверба на владата предводена од премиерот Бојко Борисов. Ова е петти обид на бугарските социјалисти да ја соборат владата на Борисов.
Антивладини протести се одржуваат низ цела Бугарија во изминативе десетина дена. Демонстрациите започнаа откако главниот обвинител Иван Гешев нареди претрес во кабинетот на претседателот Радев, како и апсење на двајца негови соработници.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.