Од перото на музичкиот новинар и критичар, Ненад Георгиевски, излезе првата книга- рецензии за современата македонска музика, објавена на англиски јазик. Насловена „Press & Play“, книгата вклучува рецензентски текстови за албуми, концерти и фестивали, кои Георгиевски ги објавувал 15 години за познатата интернет платформа „All About Jazz“.
Книгата дава увид во случувањата на домашната музичка сцена, преку содржини за Влатко Стефановски, „Леб и сол“, Кирил Џајковски, „Фолтин“, Џијан Емин, Зоран Маџиров, „Анастасија“, за Скопскиот џез фестивал и за „ Офф-фест“.
Книгата „Press & Play“, од утре (18 јули), ќе се продава во книжарниците на „Литература.мк“, а онлајн промоцијата ќе се одржи во понеделник.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.