Кинотеката на Северна Македонија, од петок, во 21:00 чaсот, започнува со прикажување филмови на Чарли Чаплин, во летното кино под отворено небо. Со десет наслови во овој исклучителен циклус, кој го опфаќа творештвото на Чаплин, од неговите почетоци па сè до последните дела. Кинотеката овозможува увид во најдоброто од златната ера на немиот филм, но и начинот со кој тој се справува со предизвикот на звучниот филм, До 27 јули ќе бидат прикажани вкупно 8 филмови со Чаплин, стои во најавата на е-страница на Кинотеката.
Чарлс Спенсер Чаплин (Charles Spencer Chaplin), или едноставно Чарли Чаплин (Лондон, 15 април 1889 –Корсие-сур-Вевеј, 25 декември 1977), не само што е класик во светската кинематографија, туку со него и започнува тој период што се нарекува класика. И, како во случајот со сите класични филмски ликови, сè започнало едноставно: насмеј ја публиката, освој ги нивните срца, и биди на нивна страна, макар што заради тоа ќе ти замериестаблишментот, па и со децении ќе ти забрани влез во земјата (САД) каде што направил една од најголемите кариери во филмската индустрија, велат од Кинотеката.
Чарли Чаплин со смеата не само што ги забавувал народните маси низ Америка и светотна почетокот на неговата кариера, туку со ГОЛЕМИОТ ДИКТАТОР или СВЕТЛИНИТЕ НА ВЕЛЕГРАДОТ бил прилично жесток критичар на општеството во кое живеел. И тоа не му било простено, па затоа „левичарот“ Чаплин во ерата на макартизмот („ловот на црвените вештерки“ во САД по Втората светска војна) бил прогласен закомунистички симпатизер. Чаплин живеел во Швајцарија и цели две децении не доаѓал во САД, сè до 1971, кога во Холивуд ја примил почесната награда на Американската филмска академија за животно дело во филмот.