Трицифрени бројки на новозаболени секојдневно, во речиси сите држави од регионот, покажува колку е силен новиот бран на коронавирусот. Здравствените власти бележат неславни рекордни, како во бројот на заболени така и во бројот на жртви а статистиките покажуваат двојно, тројно па дури и петкратно зголемување на бројот на нови случаи споредено втората половина на јуни.
Властите во регионот повторно се разгледуваат и најавуваат вонредните и рестриктивните мерки, затварање на границите и воведување карантин како одговор на вториот бран и како засега единствен успешен начин за справување со епидемијата и заштита на граѓаните.
Вчерашниот ден е еден од најтешките. 1.766 нови случаи беа регистрирани во девет држави од регионот вклучувајќи ја и Македонија. Освен во Црна Гора и во Бугарија во сите останати држави од регионот вчера беа забележни рекордно високи бројки на новозаболени од почетокот на епидемијата. 386 во Србија, 316 во Босна и Херцерговина, 93 во Албанија, 60 во Грција.
Хрватска каде речиси три недели немаше регистриран нов случај вчера бројчаникот изброја до 116 случаи, нов неславен рекорд. Властите екпресно со реакција и најава за многу построги услови за влез во земјата во екот на туристичката сезона како и задолжително носење маски во одредени продавници и угостителски објекти.
Во Црна Гора каде официјално еден месец официјално немаше нов случај, за само три дена се регистрирани 180 заболени лица. Вирусиот се прошири и во затворите.
Србија го имаше најцрниот ден. Рекордно висока бројка на нови случаи но и на починати – 18. Вонредна состојба е прогласена во речиси дваестина града. Цели региони се критични, болниците се полнат , полицискиот час се враќа на сила како и задолжителното носење на маски.
Косово вчера изброја до 205 позитивни и три жртви. Премиерот на Косово, Авдулах Хоти, на денешната виртуелна средба со градоначалниците на општините во Косово ја најави можноста за прогласување вонредна состојба заради епидемијата „Ковид-19“.
Во Бугарија за само 72 часа се потврдени 870 нови случаи. Државата ги затвори границите за македонските државјани па дури и за транзит преку нејзината територија.
Официјалните податоци покажуваат дека во регионот во моментов има 19.200 активни случаи.
Најмногу се во Србија – 3.707 а потоа доаѓа нашата држава со 3.449, Бугарија каде има 3.389 заболени и Босна и херцеговина со 3.149.
Според статистиката, од почетокот на епидемијата во регионот 1.847 пациенти ја загубија битката со вирусот а други 240 се во критична и крајно тешка состојба. Стапката на смртност се движи од 1,9 отсто од вкупниот број на заболени во Црна Гора до 6,1 отсто во Словенија која ја има и највисоката стапка на излекувани пациенти – 78,2 отсто.
Огнен Чанчаревиќ