Комби со 50 мигранти синоќа околу 21 часот се преврте на магистралниот пат Струмица Валандово. Возилото марка мерцедес принтер со битолски регистарски таблици се движело во правец од Валандово кон Струмица. Мигрантите биле од Индија, Авганистан и Пакистан. 14 се повредени, а од нив четворица со тешки телесни повреди. Една жена е префрлена на клиниките во Скопје.
Полицијата изврши увид на местото на несреќата а останатите мигранти се префрлени во транзитниот центар Винојуг во Гевгелија. Оваа е втора сообраќајна несреќа на возила со мигранти во Струмица. Полицијата информира дека овие месеци е особено активна мигрантската рута низ планината Беласица.
Сузана Мицева