Ова се само дел од видеата кои ги објавија некои медиуми за прекумерната употреба на сила на полицијата за време не упадот во српското собрание по најавите за повторно воведување на рестриктивните мерки. Демонстрантите со камења и факели фрлаа врз полицијата, која возвати со солзавец.
Директорот на полицијата утрово за РТС рече дека полицијата реагирала крајно воздржано. Демонтрантите кои Ребиќ ги нарече хулигани повредиле 43 полицајци, запалиле пет полициски возила, а уапсени се 23-ца.
Полицијата успеа да го воспостави јавниот ред и мир за што ни требаа, за што ни беа потребни неколку часа, со оглед на тоа што значаен број, морам да кажам хулигани немам друг збор, бидејќи тоа се луѓе кои безобзирно со камења, коцки, шишиња и сите други предмети, се обидуваа да го загрозат живот и телото на полицијата и се обидуваа да влезат во народното собрание, рече Владимир Ребиќ, директор на полицјата.
Стигна рекација од Европската унија дека рестриктивните мерки мора да се ограничат на она што е навистина неопходно и не смеат да ги загрозат основните човекови права, тоа се однесува и на правото на мирни протести. Премиерката Ана Брнабиќ, чија партија СНС победи на изборите, на кои не учествуваше опозицијата, го осуди насилниот упад во собранието и за тоа ги обвини политичарите губитници на изборите, кои во време на светска криза сакаат да стекнат политички поени.
Најостро го осудувам вандализмот на политичарите кои стојат зад насилниот упад во Собранието на Србија во момент кога државата и здравствениот систем се соочуваат со најтешкиот удар на коронавирусот од почетокот на пандемијата, истакна Ана Брнабиќ, премиер на Србија.
Причина за овој протест е акумулираното незадоволство од властите во Србија. Српската Народна партија веќе најави тужба против претседателот на Србија, Александар Вучиќ, поради ограничувања на слободата на движење на граѓаните. Партијата повика на нови протести попладнево. Протестите започнаа по најавата за повторно воведување на полициски час од петок до понеделник.
Ситуацијата со корона епидемијата на југот на Србија не стивнува, во изминатото деноноќие починаа тројца во Ниш, а четворица во Нови пазар и еден во Врање.
Билјана Ставрова