Кардиоваскуларните болести се на врвот на листата на главни здравствени причинители на смрт кај населението. Според дијагнозите на починатите, дури половина се болести на срцето анализираат од Институтот за јавно здравје.
Податоците на Управата за водење на матичните книги покажуваат дека од први јануари до први јули лани, починале 10175 граѓани вкупно. Во истите седум месеци годинава од кои половина се опфатени и со светска пандемија, вкупната бројка на смртни случаи е 9427.
Карциномите се втор главен причинител на смрт кај луѓето. Намалена е смртноста кај бебињата.
Статистичарите на BBC објавија свое истражување во кое ги анализираат бројките во време на пандемија од корона вирус. Опфатени се 27 земји, а главниот заклучок е дека бројот на починати во пандемијата е поголем од нормалата и покрај броењето на жртвите на Ковид-19.
Од вирусот официјално починаа повеќе од половина милион луѓе во светот, а бројката е уште поголема ако се земат предвид смртните случаи кои се индиректна последица на целата ситуација која која ги затекна сите земји.
Здравствени систем и болници ставени целосно во функција на борбата со Ковид-19 насекаде во светот, е причина за дополнителни, повеќе од 130 илјади починати лица, од различни болести.
Петар Догов