Македонија

Утре ќе се одлучува за повторно воведување режим со границите на Србија и Косово

Министерството за здравство информира дека, со оглед на развојот на ситуацијата со корона вирусот во соседството, Комисијата за заразни болести на утрешниот состанок ќе разговара за евентуално повторно воведување режим со границите на Србија и Косово или затворање на граничните премини со овие земји.

Комисијата за заразни болести активно ја следи епидемиолошката состојба со корона вирусот во регионот и соседните земји и можното враќање на мерките е во насока на превенција од потенцијални ризици по здравјето на населението во Северна Македонија.

Прашањето за отворање или затворање на границите нема политика, клучен критериум е епидемиолошката слика. Клучен критериум за ЕУ е блиску до или под 20 нови КОВИД-19 случаи регистрирани во последните 14 дена на 100 илјади жители, изјави денеска министерот за надворешни работи Никола Димитров.

Клучното во ова се, посочи Димитров, е дека колку повеќе се придржуваме до мерките – носење маска и држење дистанца, толку ќе биде подобра епидемиолошката слика и толку побрзо ќе ни бидат отворени сите граници.

Прашан дали ќе преземеме реципроцитетни мерки со отворање или затворање на границите, Димитров, рече дека министерот за здравство Венко Филипче и кризниот штаб на Владата дневно ја следат состојбата во сите земји и врз основа на препораките од епидемиолозите ќе ги носат и одлуките.

– Пред мене е препораката на ЕУ за граници и слобода на патување на државјани на земји не-членки. Клучен критериум за ЕУ е блиску до или под 20 нови КОВИД-19 случаи регистрирани во последните 14 дена на 100 илјади жители. Тоа е клучниот критериум во однос на препораките на ЕУ. Некои земји-членки овие препораки целосно ги применуваат, некои имаат и свои дополнителни услови, изјави Димитров.

Ова се однесува на несуштински патувања, посочи Димитров, додавајќи дека од тоа се исклучени здравствени работници, погранични и сезонски работници, персонал за транспорт, државни делегации, дипломати, воен персонал, патници во транзите и лица кои патуваат поради неодложни фамилијарни причини, како и високо квалификувани работници потребни на односните земји.

– Ќе бидеме во блиски консултации со сите земји од интерес. Пред два дена имав средба со стопанската комора и бев прашан од доста луѓе кои имаат потреба за бизнис состанок во Грција. Ќе го отвориме тој разговор и ќе видиме дали ќе биде возможно, со некои посебни здравствени протоколи, на определени категории луѓе да им е овозможи патување преку границата, изјави Димитров.

© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма.

Поврзани соджини

Хрватска може да и биде пример на Македонија за да оди по брзиот пат кон ЕУ

Дејан Дејан

36 актуелни пратеници на новите листи на ВМРО – ДПМНЕ, Мицковски потврден од ИО и ЦК да води во едница- Извисија новите колициони партнери Богојевски, Трајанов и Ангелов за пратенички кандидати

Дејан Дејан

Димитриеска Кочоска: Линеарното покачување на пензиите не е собирање гласови

Дејан Дејан

Користиме колачиња на нашата веб-страна за да ви го дадеме најрелевантното искуство со запомнување на вашите преференции и повторни посети. Со кликнување на „Прифати“, вие се согласувате да се користат колачиња. Прифати Прочитај повеќе