Збунети патници се враќаат од граничниот премин Евзони, откако денеска по три часа грчките граничари го затворија преминот за сите патници, освен државјани на Грција. Македонските гранични служби информираат дека преминот бил отворен само три часа.
Луѓето велат дека не знаат што се случува, ги враќаат од границата и ги упатуваат кон преминот Промахонас преку Република Грција.
На македонската страна од границата е мирно, патниците се пропуштаат, поголема гужва се прави пред грчката граница.
Министерот за здравство, Венко Филипче вели дека не е исклучена можноста од нови рестрикции доколку не се намали бројот на заболени, без разлика дали станува збор за граници или забрани за движење во некои делови.
-
Дозволете да кажам ДА, апсолутно да. Во било кој момент ако се одлучиме на рестриктивна мерка било на преминот на граница или рестрикција во движењето, или во било кој дел од земјава, тоа ќе го препорачаме.
Најавува разговори со здравствените власт на Србија и Косово и за потенцијалните ризици по нашата земја.
Сузана Мицева