Првите резервисти се собраа во различни градови низ Русија, откако рускиот претседател Владимир Путин со указ нареди делумна мобилизација во земјата.
Стотици мажи се простија од своите семејства во далечниот руски регион Јакутија.
Во Москва, студент тврди дека добил известување иако беше кажано дека земјата нема да регрутира студенти.
Путин во средата нареди делумна мобилизација за да ги зајакне своите линии на фронтот во Украина, длабоко непопуларен потег што предизвика протести низ целата земја и доведе до речиси 1.200 апсења.
Најавата за мобилизација натера голем број мажи да земат авионски билет во еден правец и да ја напуштат земјата.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.