Еколошка хаварија утрово се случи во рударскиот град Македонска Каменица. Јаловина или отпадната вода од производството на олово-цинков концентрат, која се слева во хидројаловиштето или рударското езеро истече по течението на Каменичка река.
Според проценките на жителите и риболовците излеани се околу 3.000 метри кубни јаловина, кои потоа одат во езерото Калиманци, од каде се наводнуваат сите полиња на источниот регион, а од реката Брегалница вода за пиење добиваат неколку општини од овој регион.
Први кои реагираа беа спортоските риболовци од здружението Шаран, кои веднаш зеле мостри од реката.
Претседателот вели дека досега немаат регистрирано помор на риба, а нивни членови ја следат состојбата во езерото. Од рудникот Саса велат дека инцидентот со јаловиштето се случи рано утринава, а причината биле дефект на насипот на јаловиштото. Инспектори и универзитетски професори се на увид, а општианта веднаш побарала да се санира коритото на Каменичка река.