Охриѓанец обвинува дека советникот во Општина Охрид и иден пратеник, Нефи Усеини заедно со уште неколку лица, утрово го нападнал и претепал пред хотел во близина на градот.
Според нападнатиот, Спирко Топаловски, Усени го повикал да дојде на средба а потоа извадил пиштол пред очите на неговиот малолетен син. Тогаш и бил нападнат од братот на Усеини и уште две лица кои биле во негова придружба. По нападот тој побарал лекарска помош.
Усеини во кус телефонски разговор ги демантираше тврдењата на Топаловски велејќи дека се невистина.
Од охридската полиција потврдија дека инцидентот е пријавен и дека полициска екипа врши увид и ќе ги прегледа снимките од безбедносните камери во хотелот
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.