Болничкиот систем од септември се враќа во нормала, а веќе е во тек е закажувањето прегледи и интервенции преку системот Мој термин.
Иако пред нас е вообичаената сезона на респираторни заболувања, министерот Филипче уверува дека болниците се подготвени и состојбата со Ковид-19 во земјава е стабилна.
Монтажната болница која што е во склоп на Клиничкиот центар во моментов е целосно празна, но и целосно подготвена со централен довод на кислород за да прими пациенти.
Уште еден монтажен објект е поставен веднаш до Клиниката за пулмологија и алергологија и на истиот начин се поставуваат и 16 други инфективни одделенија – во Гевгелија, Куманово, Прилеп, Кавадарци, Струмица, Кичево, Дебар, Гостивар, Струга, Кочани, Охрид, Велес, Тетово, Штип, Битола и Ресен.