За време на демонстрациите за суверенитет на домородните Абориџини во Австралија, избувна пожар во старата зграда на парламентот.
Според извештајот на Би-Би-Си, полициски службеници во Австралија објавиле дека старата зграда на парламентот во главниот град Канбера била запалена за време на демонстрациите за суверенитет на Абориџините.
Поради пожарот биле евакуирани вработените во зградата и во инцидентот нема повредени.
Полицијата започнала истрага, додека пожарникарите за кратко време го изгаснале пожарот.
Австралискиот премиер Скот Морисон го осуди насилството.
„Вака не функционира Австралија“, рече Морисон.
Морисон рече дека Австралијците се згрозени од однесувањето што резултирало со палење на симболот на демократијата.
Владини претставници, исто така, го осудија нападот, опишувајќи го палењето на парламентот како „напад врз демократијата“.