Кристијан Ериксен и Интер денеска спогодбено го раскинаа договорот, бидејќи тој не може да ја продолжи кариерата во Италија.
Данскиот фудбалер има вграден дефибрилатор во срцето, а според италијанските закони, не може професионално да се занимава со спорт. Ериксен доживеа срцев удар за време на Европското првенство на дуелот помеѓу Данска и Финска. Благодарение на брзата реакција на дел од неговите соиграчи и на медицинските екипи фудбалерот беше спасен.
Ериксен пред извесно време почна повторно да тренира со неговиот матичен клуб Одензе. Тој може да ја продолжи кариерата во земји каде што не е забрането да игра со вграден дефибрилатор.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.