Штипските таксисти бараат зголемување на цената на стартот од 50 на 70 денари. Барањето ќе го достават до новиот локален совет, а причините се зголемувањето на цената на горивата, но и на новите законски одредби, кои се во прилог на поголема професионализација на овој бизнис.
Ставањето на ред во такси превозот ќе значи и подобра услуга кон патниците, а не како досега по улиците да возат и диви таксисти.
Унифицирањето на возилата и новите жолти регистерски таблички мора да се реализира за една година.
Пандемијата, но и дивите такси превозници удрија врз легалните такси фирми. Ако до пред неколку години во Штип имало 300 такси возачи, сега оваа бројка е преполовена. Немање на доволни такси возила низ улиците придонесе и граѓаните да ги чекаат од 10 до 30 минути.
Освен такси превозници, повисоки цени на билетите бараат и автобуските превозници, доколку до крајот на месецот не запре растот на горивото и не се преземе нешто Владата.
Викторија Јованова