Шеесет и девет годишниот штипјанец, кој вчера се обиде да си ја спаси викендицата од огнените јазици се здобил со изгореници од втор степен на потколениците и на левата рака. Од штипска Клиничка болница информираат дека е неговата состојба е стабилна и е подобар, но поради изгорениците и вдишаниот чад останува под лекарски надзор.
„Два часа гореше. Јас отидов со мотор, човекот беше внатре. Почна кровот да горе. Влеговме внатре и едвај жив го извадивме. Човекот фрлаше со кофи вода“, рече Методи Јованов жител на Штип,
Според информациите од Противпожарната единица во Штип штети има на една викенд куќа, а од огнената стихија навреме се спасени пет викендици, лозови и овошни насади и борова шума. Пожарникарите денеска биле во обиколка во пет наврати и како што вели пожарникарот Дарко Коцев нема никакво чадење на теренот, каде што вчера по 14 часот започна огнената стихија, за која што очевидци тврдат дека е предизвикана од пироман.
Постојано правиме контрола на теренот, каде што вчера беше пожарот. Колкава површина е зафатена не можеме со сигурност да утврдиме, бидејќи станува збор за скриен терен со долови и ридови, вели Коцев.
За овој пожар се уште не се знае што точно го има придизвикано. Но, на неколку километри од Штип во карбинското село Долни Балван полицијата од слобода го лишила 25 годишниот Б.С, кој вчера бил затекнат како пали сува трева помеѓу пат и нива. Против него ќе биде поднесена и соодветна пријава.
Викторија Јованова