По средбите со унгарската, австриската и хрватската бизнис заедница за привлекување на директни странски инвестиции во Македонија, владина делегација предводена од премиерот Христијан Мицкоски, во чиј состав се и вицепремиерите, Александар Николоски и Беким Сали, министрите Тимчо Муцунски, Бесар Дурмиши, Сања Божиновска, како и директорот на ТИРЗ-овите, Гоце Димовски, два дена во Истанбул ќе и ги презентира предносите за инвестирање во земјава на бизнис заедницата во Турција.
Министерката за енергетика, рударство и минерални суровини, Сања Божиновска, во Истанбул учествуваше на Бизнис форумот Северна Македонија – Турција, значаен економски настан посветен на продлабочување на билатералната соработка, привлекување инвестиции и отворање нови можности за партнерства меѓу компаниите и институциите од двете држави.