Европската дипломатска активност за Македонија продолжува со засилено темпо. По посетата на Антонио Кошта и средбите на македонскиот државен врв со европските лидери, во Скопје на почетокот на јули доаѓа и еврокомесарката за проширување Марта Кос.
Посетата се поврзува со датумите од 7 – 10 јули, но засега извори за Телма од МНР и делегацијата на ЕУ во земјава велат дека посетата е најавена и очекувана, но точниот датум и агендата допрва ќе се утврдуваат.
Посетата се случува во период кога повторно се отвораат прашањата за деблокада на евроинтеграциите, пред и по одржувањето на самитот на Западен Балкан во Тиват.
Наспроти сигналите од унијата преку новиот Нон-пејпер за внесување на одрeдени зeмји чекор по чекор лиферуван од Мерц и Маркон владата останува на ставот дека уставни измени нема без јасни гаранции од Европската Унија.