Група граѓани, жители на Расадник и Радишани во општина Бутел, денеска излегоа на протест револтирани од сообраќајните несреќи кои се случуваат на улицата „Бутелска“.
Демонстрантите побараа од надлежните институции итно да преземат мерки за зголемување на безбедноста, со поставување лежечки полицајци и поголемо присуство на полициски службеници на терен, објаснувајќи дека со години трае проблемот со честите сообраќајни несреќи на улицата „Бутелска“.
Најавија дека протестите ќе траат секој ден се додека институциите не го слушнат нивниот глас.
Апелираат до општината Бутел, градот Скопје и МВР, бргу да реагираат на нивниот апел.
Протестот започна во 16.45 и завршил во 18.30, без нарушувања на јавниот ред и мир, по што сообраќајот бил нормализиран.