Дени е 20-годишна девојка, една од многуте лица во Македонија, со атипичен развој. На денешниот настан за зголемување на свесноста за лицата со атипичен развој, таа истакна дека за неа е потреба да го продолжи своето образование и испрати апел до институциите да обезбедат повеќе асистенти за овие луѓе.
Во организација на здружението „Аутизам ААМК“ кое истакна дека, и покрај промените, предизвиците на овие лица и натаму постојат. Пораката која ја испратија беше дека сите лица треба да бидат заедно.
И за родителите на лицата со атипичен развој предизвиците се секојдневни. Од неприфаќање, осуди и критики, па се проблеми во образованието и здравството.
Дени, која сака да стане професорка по македонски, е лице со аутизам. Во Македонија секоја година расте бројот на овие лица. Според процентите на Институтот за јавно здравје, регистрирани се околу 1.000 до 1.500 деца со официјална дијагноза, но претпоставките се дека оваа бројка е многу поголема.
Софија Бислимоски