Во емисијата Директно гостуваше политичкиот аналитичар Иво Ранѓеловиќ кој зборуваше за почетокот на претстојното судење за Кочани кое е закажно за утре.
Покрај кривичната одговорност Ранѓеловиќ смета дека е заборавена и моралната одговорност.
„Заборавивме и на моралната одговорност, кадешто далеку е поширока лепезата на обвинети кои сепак нема да бидат обвинети, на ниту еден начин, па ни преку судството, и сите тие се мали порази кои придонесуваат, за поголема недоверба и за уште поголем песимизам, не само кај младите туку и кај сите нас. Моите очекувања не се големи. Сметам дека полоша завршница од тоа што ќе има судската разрешница е начинот на кој сите ние ја имавме по трагедијата“, објаснува Иво Ранѓеловиќ.
Компаративно со помошта која се укажала на семејствата од Кочани, Ранѓеловиќ смета дека не видел пратениците од Собранието да донираат, ниту да ги посетат семејствата, какошто многу луѓе од соседните држави и функционери го направиле тоа. Тој додаде дека успехот на случајот Кочани ќе биде оној кој го имаат граѓаните во судството, а тоа е 2 посто.
Т.Д.