Секојдневното пазарење на граѓаните и трошењето на државата се главните двигатели на домашниот БДП кој во третиот квартал е 3 отсто. Со овој податок премиерот Мицкоски е задоволен, но за дел од познавачите е далеку од спектакуларен. Економскиот аналитичар Јовановиќ смета дека зголемувањето на БДП од 0, 3 отсто во однос на лани или 0, 2 во однос на претходниот квартал, покажува дека ништо значајно не се случило со економијата. Тоа е затоа што луѓето поради растот на платите имаат нешто повеќе пари да трошат и на тој начин го билдаат БДП, то, но за кратко. На долг рок за добар раст неопходни се инвестиции, извоз – ставки кои според статистика стагнираат.
Она што движи раст е извозот и инвестициите, но за жал нема подобрување, извозот има пад за тоа не можете да обвинувате ниту една влада затоа што проблемот е во Германија, но инвестициите се многу мали и дали ќе имаат некој минимален раст, а за тоа можете да ги обвините и сегашната и претходната влада. Иако, податоците за растот на БДП во трет квартал не се лоши тие се далеку од спектакуларни и воопшто не треба да се слави, вели за Телма економскиот аналитичар Бранимир Јовановиќ.
И од економскиот институт Фајнанс Тинк анализираат дека забрзувањето на активностите е водено од благото забрзување на приватната потрошувачка но и државните трошења од јули до септември.
Премиерот Мицкоски пак е задоволен од ваквите бројки, тврди дека се едни од најдобрите.
Бројката од 3 проценти е една од најголемите во рамките на ЕУ, само пет држави од ЕУ имаат подобра стапка на раст, а што се однеусва до регионот помала стапка на раст имаат две земји членки на Европската Унија, вгели премиерот Христијан Мицкоски.
Јовановиќ пак смета дека ако достигнеме 5 отсто раст би можеле да зборуваме, вакви стапки нема ништо да променат.
Во ЕУ имате две држави повисок раст на БДП тоа се Шпанија и Кипар, во регионот Србија има раст повисок од нас а останатите земји се уште немаат ниту објавено за трет квартал. Веројатно и Косово ќе има подобар раст и Албанија и Црна Гора. Раст од 3 проценти според ниту еден економист не е фантастичен, ако имаме 5 отсто, тогаш можеме да се фалиме, додава Јовановиќ
По сектори, во трговијата има пораст од 10,6 проценти. Но, паралелно во истиот период бруто инвестициите стагнираат, а извозот и увозот се на нула. Индустријата пак бележи пад од 4, 6 отсто. Мискоски очекува овој раст да биде повисок во следниот квартал.
Според, Јовановиќ можно е да се заврши годинава со повисоки стапки, дури и од оние на меѓународните институции, но не затоа што ќе се придвижи економијата, туку заради ревидирањето на податоците од статистика кое после долги години повторно се направи.
Ирена Чачкова