Во несреќата кога падна натстрешница на железничката станица во Нови Сад загинаа најмалку 14 луѓе чии тела се извлечени од под урнатините.
Еден од загинатите е идентификуван како македонски државјанин. Информацијата ја потврди и српскиот претседател Александар Вучиќ.
Вучиќ во своето обраќање посочи дека досега се идентификувани 9 жртви, од кои 8 се српски државјани, а еден загинат е државјанин на Северна Македонија. Меѓу жртвите е и 6-годишно дете чиј идентитет се уште не е утврден.
Спасувачките екипи се уште се на терен, а со градежни машини се тргаат делови од натстрешницата која падна денеска околу пладне. Снимките од надзорните камери покажаа дека големата бетонска натстрешница едноставно ги поклопи луѓето кои поминуваа или седеа на клупи во делче секунда и никој не можеше да избега никој.
Натстрешницата не била реновирана за време на обновата на железничката станица која ја вршеа една српска и две кинески компании.