Европската централна банка уште еднаш ја зголеми референтната каматна стапка за уште 25 базични поени, на 4,25 отсто, што е рекордно високо ниво, предупредувајќи дека потрошувачките цени се уште растат пребрзо, и дека има можноста за натамошно зголемување останува отворена.
ЕЦБ, исто така, благо ги зголеми проценките за вкупната инфлација, на 5,4 проценти оваа година и три проценти следната година, со образложение дека растот на цените продолжува да го поттикнува растот на цените на енергијата во претходниот период и ослободувањето на побарувачката потисната за време на пандемијата, особено во услужниот сектор.
Инфлацијата продолжува да опаѓа, но сепак се очекува да остане премногу висока. Решени сме да обезбедиме навремено враќање на инфлацијата на среднорочната цел од 2 отсто. Поради тоа, беше одлучено трите клучни каматни стапки на ЕЦБ да се зголемат за 25 базични поени – се наведува во соопштението на ЕЦБ.
Деветтото последователно зголемување на ЕЦБ, дојде еден ден откако Федералните резерви на САД ги зголемија стапките за истиот износ.
Претходно Управниот совет во Франкфурт, одлучи централната банка да го продолжи заострувањете на монетарната политика на еврозоната.
