Активистите против рудници во Струмичко испратија предупредување до политичките партии во земјава дека нема да дозволат темата рудници да биде карта за добивање на следни избори.
Ристоманов од „Еко долина“ вели дека не се наивни, цели шест години и неколку изборни циклуси рудникот е тема за добивање гласови, сега бараат решавање нез одложување и ветувања.
За активистите е смешно префрлањето на одговорноста што со денови трае помеѓу двете партии ВМРО ДПМНЕ и СДСМ во однос на прашањето кој прв дал концесија за рудник кај селата Иловица и Штука.
Ристоманов вели дека наместо препукувања, очекувал разумно однесувањ еи извинување.
Двете политички партии се со различни верзии за тоа како тргна приазната за рудникот кај Иловица.
Едните ја обвинуваат владата на СДСМ која ја издала концесијата за геолошки испитувања на таа локација, другите се повикуваат на концесиите за експлоатација издадени во време на владеење на ВМРО ДПМНЕ.
И за двете политички партии во моментов најважно е да ја тргнат вината за рудникот од себе, без да објаснат како ќе го решат ова горливо еколошко прашање кое доведува до рпотести и бунт кај локалното население во Југоистокот.
Сузана Мицева