Македонската женска ракометна репрезентација во првиот дуел од баражот за Светското првенство на домашен терен е поразена од Украина со 24:22.
Капитенот на нашата селекција Елена Ѓоргиевска смета дека и покрај неуспехот нашиот тим има шанса за настап на Мундијалот.
“Ако одиграме како што го одигравме второто полувреме. Имаме минус, не искористивме на домашен терен да направиме разлика. Но не се предаваме, и ќе го дадеме максимумот за да одиме понатаму. На полувремето се договоривме да бидеме поконцентрирани и да не правиме толку грешки. Дисциплинирано влеговме во вториот дел и направивме се што можеме да го вратиме резултатот во нормала. Искрено не сум задоволна, затоа што се подготвувавме да бидеме дисциплинирани, затоа што изгубивме од еден ривал кој не е поквалитетен од нас. Можеби еуфоријата, преголемата желба, придонесоа да направивме многу грешки во првото полувреме. Се надевам ќе го поправиме до следниот меч, односно да не се изгубиме како во првиот дел”, рече македонската репрезентативка.
Реванш дуелот против Украина се игра во вторник на неутрален терен во Кишварда и почнува во 17 часот.
ФОТО: Игор Паневски