Иако се уште нема официјална реакција по доставувањето на понудите за купување на Манчестер Јунајтед, медиумите во Велика Британија пишуваат дека Џим Ретклиф ќе ја загуби и оваа битка за купување на еден клуб од Премиер лигата.
Откако имаше неуспешен обид да го преземе Челзи, Ретклиф ја губи и борбата за купување на клубот од Олд Трафорд.
Неофицијално сопствениците на Манчестер Јунајтед, семејството Глејзер му дава предност на шеикот од Катар, Јасим бин Хамад ал Тани, кој заедно со британскиот милијардер доставија понуди за откуп на управувачкиот пакет на акции.
Имено Катарците се подготвени целосно да ги расчистат долговите без дополнително да се задолжуваат додека Ретклиф не расположен за ваков потег.
Некои медиуми тврдат дека постои поделба во семејството Глејзер, дел не е расположен за продажба, но се смета дека разговорите за иднината на клубот ќе продолжат и се очекува до крајот на сезоната да биде донесена конечната одлука.
ФОТО: Игор Паневски