Саутемптон го отпушти менаџерот Нејтан Џоунс само три месеци на клупата по разочарувачките резултати. Тој го наследи Ралф Хазенхитл во ноември за да го извади тимот од дното во Премиерлигата, но според резултатите само ја продлабочи кризата.
Ги водеше „светците“ на вкупно 14 натпревари во сите конкуренции, на кои загуби девет пати, од кои дури осум во Премиерлигата. Вчера Саутемптон прокоцка водство од 1-0 против Вулверхемтпон и имаше играч повеќе, за на крајот да загуби со 1-2.
Саутемптон се очекува наскоро да го именува и третиот менаџер сезонава со надеж дека ќе може да го извлече тимот од дното на табелата со 15 бодови од 22 натпревари.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.