МЗТ Скопје загуби на гостувањето кај Морнар со 93-84 во рамки на 19.коло во АБА-лигата. Нашиот шампион е единствениот тим во лигата без победа на гостински терен и останува на дното на табелата.
МЗТ одигра лоша последна четвртина, кога и го загуби важниот натпревар во битката за опстанок. На полувремето резултатот беше 46-46. „Металците“ имаа и водство од шест поени разлика во третиот период, а во последната четвртина резултатот повторно беше нерешен 68-68. Морнар го засили темпото во последните 10 минути, а МЗТ не можеше да одговори. Конечниот резултат беше 93-84.
Грегор Глас и Марко Пецарски со 26 и 24 поени беа најефикасни кај Морнар, додека кај МЗТ, Малик Абдул Абу и Кеандре Кук постигнаа по 20, односно 17 поени.
Нашиот шампион останува на последното место на табелата со само три победи и 16 порази. Во следното коло, кое се игра на 3.март, МЗТ го пречекува ФМП.
