Директорот на кошаркарската Евролига, Маршал Гликман во интервју за весникот Л’Екип изјави дека во следната сезона московска ЦСКА повторно нема да биде дел од елитното натпреварување и дека најголеми шанси да го заземе празното место е Монако.
“Да се каже дека Монако има гарантирано место, технички не е возможно. Но, јас ќе речам дека сакаме Монако и натаму да биде дел од Евролигата”, рече Гликамн.
Што се однесува до статусот на ЦСКА, Глиман истакна:
“Во лигата ќе партиципираат 18 клуба од кои 13 имаат постојана лиценца. Еден од акционерите ЦСКА поради војната во Украина се уште е под суспензија што ни дава дополнителен простор за некој друг клуб. Според тоа опстанокот на Монако не е доведен во прашање. Кога ЦСКА ќе се врати работите ќе бидат покомплицирани, но за Монако најлесно ќе биде да влезе во Топ 8 и ќе се квалификува врз основа на спортските резултати. Да бидам јасен го сакаме Монако, сакаме тој да биде дел од нашето семејство”, заврши Гликман.
ФОТО: Игор Паневски