Кошаркарите на МЗТ Скопје вечерва во салата на СЦ Јане Сандански беа совладани од Црвена Звезда со 80:57.
Македонскиот шампион долго време беше рамноправен противник, но во третиот период гостите од Белград ја кренаа играта на повисоко ниво и откако овој дел од натпреварот го решија во своја полза со 27:8 дефинитивно го скршија отпорот на МЗТ Скопје и стигнаа до очекуваниот триумф.
Најефикасен во победничкиот тим со 23 поени и девет асистенции беше Факундо Кампацо, а Филип Петрушев постигна 13 поени. Во редовите на МЗТ Скопје Дастин Вер имаше 16, а Војдан Стојановски 13 поени.
ФОТО: Игор Паневски
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.