Фотографот Томислав Георгиев ја освои главната награда на глобалниот фото конкурс организиран од Министерството за надворешни работи на Кралството Холандија насловен „Вода=Живот“.
На конкурсот учествуваа над 140 фотографи од целиот свет, а жирито составено од професионални фотографи, фото репортери и експерти за вода од холандското МНР ја одбраа фотографијата на г. Георгиев која прикажува човек кој ги чисти тревите и ѓубрето од реката Црн Дрим во Струга.
Во изјавата со која го објави победникот, Натали Ојлслагер, програмска директорка на Конференцијата за вода на ООН 2023 истакна: „Победникот не само што ни помага да ги разбереме предизвиците во врска со водата со кои сме соочени, туку и нѐ охрабрува да преземеме нешто во врска со тоа.“
Со фото конкурсот „Вода=Живот“ Холандија сака да го обедини светот на една од многуте теми поврзани со водата, стремејќи се да најде заедничко решение за глобалните предизвици.
На оваа страница може да најдете и повеќе информации во врска со самиот конкурс: ‘Water = Life’ photo competition winner | NL Platform