Директорот на скопската гимназија „Орце Николов“ изјави дека завршила проверката на безбедносните единици во објектите на училиштето и не била откриена никаква експлозивна направа. Вели дека заканата ја пријавиле откако на службената имејл адреса пристигнала порака со вознемирувачка содржина.
„Моравме веднаш да интервенираме, бидејќи пораката беше дека е поставена бомба на територијата на училишето“, ни изјави директорот.
Веднаш беше пријавено и за многу кратко време од ЕБР Карпош, односно полициската станица Карпош, дојдоа луѓе, дојде полиција. Евакуирани веднаш беа учениците и целиот колектив, персоналот на училиштето. Потоа дојде интервентна полиција, екипа за антитероризам и извршија целосна проверка. Училиштето е безбедно, очигледно се работело за лажна дојава, меѓутоа, моравме да пријавиме, изјави директорот.
Повеќе информации за заканите за поставени бомби во пет скопски средни училишта, како и целиот разговор со директорот во вестите на Телма во 15:30.