Туристи кои од Охрид патувале за Скопје на социјалните мрежи објавија видео каде револтирано и во неверување пишуваат за недозволено однесување на возачат на автобусот во кој се превезувале и тие, но останати патници.
Во објавата стои дека возачот за време на патувањето пушел цигари во затвореното возило додека патниците биле во него. Дури и откако пушел за време на паузите, тој продолжил да пуши цигари и внатре, полнејќи го возилото со чад од цигари, а воедно одбивал да го вклучи клима уредот. Неколку патници се чувствувале лошо и според пишувањата развиле силна главоболка и гадење.
-Кога учтиво го замоливме да престане да пуши и да го вклучи клима-уредот, тој стана агресивен, велејќи ни или „излезете од возилото“ или „држете ја устата затворена“, стои во објавата на еден од патниците.
Револтираните туристи ја исконтактирале и компанијата каде што бил вработен возачот на автобусот, но оттаму добиле одговор дека на нив како туристи не им било дозволено да го замолат да престане да пуши цигари.
- За да биде уште полошо, претставникот на компанијата со кој бевме принудени да разговараме всушност го бранеше однесувањето на возачот, велејќи: „Знаеме дека пуши во возилото. Не ви е дозволено да го замолите да престане да пуши“. Тој одговор е повеќе од шокантен. Наместо да ги заштитат патниците, тие го бранеа опасното и непрофесионално однесување, пишува во објавата на Фејсбук. Телма се обиде да стапи во контакт со „Македонија Сообраќај“ кои се одговрни за превозот и на која се жалат и туристите, но броевите за контакт кои се оставени не се во функција.