Владеачкото мнозинство во собраниската комисија за политички систем досега ги отфрли сите амандмани поднесени од опозицијата за законот за судска служба. Вкупно се поднесени над 100 амандмани за Законите за судска и јавнообвинителска служба.
Опозицијата смета дека со брзите промени наместо независна судска служба, државата ќе добие административци врз кои контрла ќе има извршната власт.
Амандманите се поднесени од пратеничките групи на СДСМ, Европскиот фронт и Левица..
-Од нив, 55 амандмани се однесуваат на Законот за судска служба, 27 на Законот за јавнообвинителска служба, а дополнително 19 амандмани ќе бидат поднесени како комисиски амандмани, соопштија од СДСМ.
Министерот за правда Игор Филков пак сите предлози амандмани ги отфрли односно се изјасни дека не се прифаќаат. Дебатата во Собранието продолжува.