Полицијата синоќа во 02:30 часот на наплатна станица Сопот на автопатот Скопје – Велес, уапси 43 годишен велешанец кој претходно се обидел да ограби црква но и побегнал на полицијата.
„На место викано „Ветерско“, тој бил затекнат како излегува од патничко возило „фолксваген туран“ со скопски регистарски ознаки и со метален предмет се обидел насилно да влезе во црква, но откако ги забележал полициските службеници се оддалечил од местото“, рекоа од полицијата.
Набргу, по преземени мерки, возилото било сопрено, а лицето приведено во полициска станица.
Со Д.М. бил извршен службен разговор, при што го признал делото. Додека, при преглед кај него биле пронајдени пари и предмети за кои постои сомневање дека ги користел за вршење на делото.
Известен бил јавен обвинител и по документирање на настанот против него ќе биде поднесена соодветна пријава.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.