„Луфтханза“ ги прекинува летовите меѓу Франкфурт и Скопје по повеќе од три години.
Линијата треба да биде суспендирана на 1 јуни. Германскиот превозник ја одржуваше оваа линија од седум до десет пати неделно, зависно од периодот на годината. Оваа зима ги скрати фреквенциите на три лета неделно.
Превзоникот ги откажа сите летови до крајот на летото, како и за претстојната зимска сезона, која започнува на 25 октомври.
Одлуката доаѓа во контекст на поширока стратегија на „Луфтханза груп“, која како што наведуваат од компнијата, постепено ја консолидира својата европска мрежа што ќе доведе до тековни прилагодувања на мрежата. Овие промени веќе резултираат со повеќекратни корекции на распоредите и намалување на одредени линии во регионот.
Првиот лет на „Луфтханза“ од Франкфурт за Скопје беше на 23 април 2023 година. Во април компанијата се соочи со штрајк на екипажот, по што беше затворена подружницата „Сити-лајн“ и беа приземјени 27 авиони.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.