Одложено е судењето за случајот ИПАРД. Според информациите до медиумите расправата се одложува поради оправдано отсуство на судијата кој постапува по предметот.
Воедно, отповикани се наредбите за спровод на обвинетите од притвор, со цел одлагањето да не предизвика дополнителни финансиски последици.
На минатаото рочиште десет месеци затвор доби Јасмина Костадинова, советничка на министерот за земјоделство, обвинета дека земала мито за злоупотреби со пари од ИПАРД фондовите. Таа призна дека добила 2.000 евра од сопственик на фирма која не ги исполнувала условите, но требало да биде рангирана за европска помош.
Обвинителството тврдеше, а таа призна дека ѝ биле ветени 20.000 евра, за да влијае врз директорот на агенцијата која одлучува за парите за земјоделците. Судијката во изрекувањето на пресудата рече дека таа се обидела да воведе паралелен начин за распределба на парите.
