Билатерализацијата да се тргне од критериумите за ЕУ – Муцунски од Брисел

Во Брисел се одржува Советот за надворешни работи на Европската Унија на која се поканети и министрите за надворшени работи на Западниот Балкан. Министерот за надворешни работи и надворешна трговија, Тимчо Муцунски, пред почетокот на состанокот изјави дека проширувањето е императив и за Европската Унија и кога станува збор за Западен Балкан тој треба да престане да биде „сива зона“ на Европа. Муцунски притоа рече дека државата постигнала конкретни резултати во спроведувањето на Реформската агенда, особено во последните месеци. Со Советот за надворешни работи на ЕУ преседава високата претставничка на ЕУ за надворешни работи и безбедносна политика, Каја Калас, чија кратка порака до земјите-кандидати е дека треба да се спроведат реформите.