Основното јавно обвинителство во Скопје отвори истрага против 25-годишен маж осомничен за обид за убиство, по инцидент што се случил пред неколку дена по полноќ пред угостителски објект на улицата „50 Дивизија“.
На настанот му претходела вербална расправија која ескалирала во физичка пресметка…
Според информациите, оштетениот прв го нападнал осомничениот, по што тој извадил нож и му нанел повеќе убодни рани во пределот на градниот кош, стомакот и грбот.
Повредениот добил лекарска помош и е пуштен на домашно лекување. Јавниот обвинител предложил мерка куќен притвор, која веќе е определена во траење од 30 дена. Од МВР информираа дека против осомничениот е поднесена кривична пријава и дека случајот е во понатамошна постапка.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.