Граѓанската иницијатива Супорт Кочани реализираше набавка на медицински креми во вкупна вредност од 1.023.871 денари, наменети за лицата погодени од пожарот во Кочани.
Средствата се обезбедени преку донации од граѓани и компании, со поддршка од аптеки кои овозможиле значителни попусти.
Во рамки на набавката се обезбедени креми наменети за заштита, регенерација и нега на кожата кај лица со изгореници.
Дистрибуцијата ќе се врши преку младинскиот центар „Гнездо“ во Кочани, во директна координација со засегнатите лица, со цел навремена и соодветна поддршка во процесот на нивно закрепнување.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.