САД и Украина постигнаа напредок во мировните разговори во Женева, договарајќи „ажурирана и прецизирана рамка“ за понатамошни интензивни преговори.
Американскиот државен секретар Марко Рубио оцени дека е направен „огромен напредок“, иако конечниот договор сè уште зависи од одлуките на претседателите на двете земји.
Планот предизвикува реакции во Киев и Европа, бидејќи предвидува повлекување на украинските сили од делови на Донецк, како и фактичко признавање на руската контрола врз Донецк, Луганск и Крим.
Предложени се и замрзнување на фронтот во Херсон и Запорижја, ограничување на украинската армија и откажување од членство во НАТО. Документот предвидува и можност за враќање на Русија во глобалната економија и групата Г7.
Трамп тврдеше дека планот не е „финална понуда“, додека Рубио останува оптимист дека договор може да биде постигнат наскоро.