Собраниската Комисија за прашања на изборите и именувањата денеска треба да одржи седница на која ќе избере еден од кандидатите кои беа интервјуирани за позицијата претседател на Државната комисија за спречувањер корупција.
Ќе бира меѓу 10 кандидати а изборот ќе падне врз оној кој добил најдобра оценка од страна на членовите на комисијата.
Најдобро рангираните кандидати денеска ќе бидат предложени на Собранието во единствена листа за избор на претседател и членови на ДКСК, со образложение за секој кандидат.
За претседател на ДКСК може да биде именувано лице кое е македонски државјанин со постојано место на живеење во земјата, со високо образование и најмалку десет години работно искуство, од кои осум во области поврзани со спречување корупција, владеење на правото или добро управување.
Процесот за избор на нов прв човек на ДКСК доаѓа откако претходната претседателка Татјана Димитровска поднесе оставка поради сомневања за вмешаност во случајот „Адитив“.
Адем Чучуљ со најголем број поени на ранг листата за нов претседател на Антикорупциската комисија