Најновиот корупциски скандал во украинската влада, кој вклучува високи функционери и државната нуклеарна компанија „Енергоатом“, предизвика политички потрес во Киев.
Претседателот Володимир Зеленски побара разрешување на министрите за правда и енергетика по истрагата на антикорупциските органи, кои уапсија пет лица и идентификуваа уште седум осомничени за поткуп вреден околу 100 милиони долари во енергетскиот сектор.
Скандалот предизвика огорченост кај граѓаните на Киев, кои со недоверба гледаат на најновите случаи и стравуваат од уште една тешка зима. Премиерката Јулија Свириденко потврди дека министерот за правда Херман Халушченко е суспендиран, а неговата заменичка Људмила Сухак ќе ги преземе должностите.
Иако Халушченко не е формално обвинет, тој најави дека ќе се брани пред суд. Компанијата „Енергоатом“ соопшти дека истрагата не го попречила нејзиното работење.
Т.Д.