Ураганот Мелиса се засилува додека се движи кон Куба, откако ја погоди Јамајка како најсилната бура што ја зафати карипската држава во поновата историја. Според извештаите, на островот се пријавени најмалку три жртви, а властите предупредуваат дека вистинските размери на штетата ќе бидат познати утрово. Поплави се пријавени на југозападниот брег на Јамајка, каде сведоци опишуваат екстремни ветрови и уништени домови. „Ветровите се толку силни што не можеш да стоиш исправен“, изјави еден жител за BBC News, додека друга жена рече дека „водата пробива низ покривот“ и дека се плаши за својот живот. Јамајканската влада објави дека воспоставила официјална интернет-платформа за координација на помошта и собирање донации… Министерката за образование, млади и информации, Дана Морис Диксон, предупреди граѓаните да внимаваат на лажни повици за донации и истакна дека преку официјалниот сајт граѓаните ќе можат да следат информации за засолништа, ресурси и итни состојби.
