Претседателот на Соединетите Американски Држави, Доналд Трамп, потпиша проглас со кој се воведува царина од 10 проценти за увоз на дрвeна граѓа, додека царината за тоалетни и кујнски елементи и тапацирани дрвени производи ќе изнесува 25 проценти, објави Белата куќа.
Царините ќе стапат на сила на 14 октомври, според текстот на прогласот на Трамп објавен од Белата куќа.
Од 1 јануари, царините ќе бидат дополнително зголемени – на 30 проценти за тапацирани дрвени производи и на 50 проценти за кујнски и тоалетни елементи увезени од земји кои не постигнале договор со Соединетите Американски Држави.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.