ВМРО-ДПМНЕ и Христијан Мицкоски успеаја да ги сменат СДСМ и ДУИ, но не успеаја целосно да ја сменат политичката култура, граѓаните добија члувство на промени, но институциитер продолжија и овие две години да се борат со непотизам, партизација, кронизам, недфоволна транспарентност“, изјави новинарот Горан Трпеноски во вечерашната дебата во „Топ тема“ на ТВ Телма за две години од промената на власта.
„Македонија за да стане своја, граѓаните да ја чувствуваат, прво граѓаните мора да почувствуваат дека законот важи за сите, дека подеднакво го почитуваат и дека се попдобрува животниот стандард. Но, за жал, и натаму продолжи практиката, овие две години како и претходно, за непочитување на владее на правото, владеење на еднаквост кон сите граѓани и се влошува животниот стандард на граѓаните. ВМРО-ДПМНЕ се успешни, ги бива за популизам, наоѓаат некаков замислен непријател, но мислам дека граѓаните, една година ти можеш да имаш, да се вадиш и да кажуваш дека СДСМ и ДУИ се криви за долговите, за економското цунами што е случено на Македонија, но веќе две години од владеењето граѓаните очекуваат повеќе од симболики, од пораки, тие очекуваат имплементација, односно тоа што е ветено, да се спроведе“, рече Трпеноски.
Тој ја компарираше ситуацијата на Македонија како трчање на лента во теретана.
„Ти можеш да истрчаш 10 – 15 километри на лента, ама трчаш во место. Ние мислиме дека трчаме, дека се развиваме, дека се носат реформи, но реалноста не е така“, додаде Трпеновски.
С.Д.