Eтнолошко- документарниот филм „ Хембој“, од етнологот Елизабета Конеска, во продукција на Музејот на Македонија освои награда во конкуренција од 134 филмови, пријавени на фестивалот ТЕФ Фест Крк 2025, во Хрватска, информираат од музејот.
Филмот е сниман во текот на 2014 – 2015 година и скоро десет години подоцна, во 2023,. Тој е сведоштво за наследството на занаетите и традициите како и на секојдневните активности во мултиетничката средина во скопската чаршија.
Нарадата ќе биде врачена на 25 септември , а поради неможност авторката Конеска да присуствува на свечениот чин, признанието ќе ја земе во нејзино име директорката на македонскиот Културно-информативен центар во Загреб, Мими Ѓоргоска- Илиевска.
Повеќедецениската продукција на етнолошко – документарни филмови во Музејот на Македонија, како и презентирањето на овие филмови на фестивали во регионот и во светот, има голем придонес во популаризирање на македонската визуелна етнологија во меѓунарондни рамки, велат од музејот.
